Abartzuzako Udalak hartu du lekukoa 2022 – 2024 aldirako

2022-01-26

Andia Mankomunitatea Abartzuza, Deierri, Gesalatz, Jaitz eta Lezaungo udalek osatzen dute, eta urtarrilean hasi eta 2024ra bitarte Mankomunitateko Lehendakaritza Abartzuzako Udalari transferitu zaio.

Andia Mankomunitateak 36 herri eta 2.850 biztanle baino gehiago biltzen ditu, eta udalerrien arteko lankidetzarako tresna da, elkarrekin proiektuak bultzatzea ahalbidetzen duena, eskualdearentzako baliabideak erakarriz eta baliabideak bikoiztea saihestuz; horrek kostuak aurreztea dakar.

Lehendakaritza eta egoitza bi urtean behin txandakatzen dira osatzen duten udalen artean. Erabakiak batzarrean hartzen dira eta udal bakoitzak bere biztanle kopuruaren araberako boto haztatua eta proportzionala du.

2007ko urtarrilean sortu zen Andia, Administrazio Zerbitzuen Mankomunitate gisa, eta, nahiz eta 2008ko urrian desegin zen, ez zelako lortu horrela funtzionatzea, elkarlanaren potentzial osoa ikusi zen. Hori dela eta, 2010ean berriro eratu zen landa-bideak zaintzeko, ingurumena babesteko, jarduerak antolatzeko edo kultura- eta kirol-instalazioak kudeatzeko eta turismoa sustatzeko.

2020an, erronka demografikoaren testuinguruan proiektuak eta ekimenak sustatzeko apustua egin zen. Honela, elkarlanean konponbide bateratuak proposatuz, jendeak eskualdean bizitzeko, lan egiteko eta gozatzeko aukerak izan ditzan.