Gesalazko Udala, Andia Mankomunitatearekin lankidetzan, Jabetza Bankua eguneratzen eta bultzada berria ematen ari da Gesalatz Ibarrean. Hori, haranean despopulazioari aurre egiteko funtsezko ekimenetako bat da.
Udalak doako zerbitzu hori bere herritarren eskura jartzen jarraitzen du, salmentako edo alokairuko etxebizitzen eta lursailen parkea dinamizatzeko. Informazio guztiarekin fitxategi bat sortuko da, eta Ibarrean bizi nahi duten pertsonen eskura jarriko da. Udalaren zeregina informatiboa baino ez da. Ez du inola ere salerosketako negoziazioetan parte hartuko, eta ez ditu higiezinen agentziak ordezkatuko.
Gesalatz Ibarreko Jabetza Bankuko kide izan nahi baduzu, mesedez, jar zaitez harremanetan Gesalazko Udalarekin:
- 948 35 70 08 telefonoan
- ayuntamiento@guesalaz.es helbide elektronikoan
- Galdetegi hau betetzen: Gesalatz Ibarreko Jabetza Bankuko kide izan nahi dut
Honako ekintza hau Andia Mankomunitateko udalek (Abartzuza, Deierri, Gesalatz, Jaitz eta Lezaun) despopulazioari aurre egiteko bultzatutako jarduera-programaren barruan dago. Programa hori Jurramendi azpieskualdeko despopulazioaren aurkako ekintza-planaren parte da, eta Nafarroako Gobernuak egin du.
Gure herriak biziberritzeko zure laguntza behar dugu!!!. Eskerrik asko zure ekarpenagatik
Informazio interesgarria
Alokatu baino lehen
Etxebizitza errentan hartzea aukera ona izan daiteke hainbat arrazoirengatik. Informa zaitez.
Etxebizitza erosi baino lehen
Etxea erosten baduzu, beharbada zure bizitzako ordainketarik handiena egin beharko duzu. Gutxitan hartu beharko duzu tamaina horretako erabakirik. Hemen duzu informazioa erosketari buruz.
Etxebizitzaren diru-laguntzak
Hemen duzu informazioa Nafarroako Gobernuaren diru-laguntzari buruz:
- Emanzipa. Nafarroan gazteei emantzipatzen laguntzeko programa (23-31 urte artekoak)
- Alokairuaren etxebizitzak zaharberritzeko edo erreforma lanetarako diru-laguntzak
- Nafarroako Gobernuaren beste diru-laguntzak
Halaber, harremanetan jar zaitezke Etxebizitzak eta Eraikinak Birgaitzeko Bulegoarekin (ORVE) ere, Lizarran, eta orientazioa emanen dizute laguntza eta diru-laguntzei, espedienteen izapidetzeari eta beste prozedura batzuei buruz.
- Ordutegia. Astelenetik ostiralera 09:00etatik 14:00etara.
- Tel. 948 552 250
- e-posta: orve@orvetierraestella.net
- Helbidea: Fray Diego kalea, 3., beheko solairuan. Estella/Lizarra
Hona Nasuvinsako eta Nafarroako Gobernuko etxebizitza babestuen eskatzaileentzako alokairu-poltsaren programa ezagutu ahal duzu. 110 m2 baino gutxiagoko etxebizitzen jabeak sar daitezke, eta, maizter gisa, etxebizitza babestuen eskatzaileen erroldan inskribatutako pertsonak.